Da ɗumin sa: Jirgin farko ɗauke da ‘yan Najeriyan dake Ukraine ya iso Abuja

  • Post author:
  • Reading time:5 mins read
You are currently viewing Da ɗumin sa: Jirgin farko ɗauke da ‘yan Najeriyan dake Ukraine ya iso Abuja

Sahun farko na jirgin da ke ɗauke da ‘yan Najeriyan da su ka maƙale a ƙasar Ukraine ya iso gida Najeriya.

Sun iso gida Najeriya ne daga ƙasar Romania a safiyar ranar Juma’a. Jaridar PUNCH ta rahoto

Hukumomi sun tabbatar da isowar su

Shugabar hukumar kula da ‘yan Najeriya da ke zama a ƙasashen waje, Abike Dabiri Erewa, ta tabbatar da hakan a wata wallafa da tayi a shafin Twitter.


Ukraine
‘Yan Najeriyan da aka kwaso daga Ukraine. Hoto daga jaridsr PUNCH

Rukunin farko na ‘yan Najeriya daga Ukraine ya iso filin jirgin sama na Nnamdi Azikiwe, Abuja, daga Romania da misalin ƙarfe bakwai da mintuna goma (7:10am) na safiya.

A ranar Laraba da ta gabata ne gwamnatin taryya ta amince da dala miliyan 8.5 domin gaggauta kwaso yan Najeriya 5,000 da ke makale a ƙasar Ukraine a sakamakon yakin da ƙasar  Rasha ta ƙaddamar akan ƙasar Ukraine.

An kwaso jimillar mutane 411, waɗanda su ka haɗa sa ma’aikatan ofishin jakadancin Najeriya a ƙasar Ukraine da kuma sauran ‘yan Najeriya.

Elon Musk da Jeff Bezos sun tafka asarar tiriliyan N7.4 a rana ɗaya a dalilin rikicin Rasha da Ukraine

Elon Musk da Jeff Bezos sun tafka asarar tiriliyan N7.4 a rana ɗaya biyo bayan rikicin da ya ɓarke tsakanin ƙasashen Rasha da Ukraine.

Jaridar Legit.ng ta ruwaito cewa shugaban kamfanin Tesla, Elon Musk, tattalin arziƙin sa ya dawo dala biliyan $199 ($199 billion) bayan ya tafka asarar dala biliyan $13 ($13 billion).

Jeff Bezos, mutum na biyu cikin jerin masu arziƙin duniya kuma mai kamfanin Amazon, ya tafka asarar dala biliyan $5.41 inda tattalin arziƙin sa ya dawo dala biliyan $169

Faɗuwar kadarorin su ta zo ne bayan an sanar da cewa sojojin Rasha sun fara tada bama bamai a wasu yankunan ƙasar Ukraine, wanda hakan ya sanya ɗar-ɗar a cikin kasuwanni. Ƙasuwar crypto tayi ƙasa sosai a safiyar Alhamis 24 ga watan Fabrairun 2022. Farashin ɗanyen man fetur yayi tashin gwauron zabi zuwa $100 kan kowace ganga.

An sayar da ɗanyen mai kan farashin $95 kowace ganga a wasu lokuta yayin hada-hadar kasuwanci a ranar Alhamis 22 ga watan Fabrairun 2022.

An sayar da shiyar kamfanin Tesla akan dala $764.04, inda ta ragu da kaso 7 kan yadda aka sayar da ita a kasuwar baya. Sai dai darajarta ta ƙaru inda ta samu ƙarin kaso 2.91% inda aka sayar da ita kan dala $787.27

Shin kuna da wani abin cewa? za ku iya bayyana ra’ayoyin ku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: [email protected]

Rubuta Sharhi