Batanci ga Annabi Muhammadu SAW ya ja an yankewa Soheil hukuncin kisa 

  • Post author:
  • Reading time:6 mins read
You are currently viewing Batanci ga Annabi Muhammadu SAW ya ja an yankewa Soheil hukuncin kisa 
Batanci ga Annabi Muhammadu SAW ya ja an yankewa Soheil hukuncin kisa 

An yankewa wani magidanci dan shekara 30 mai suna Soheil hukuncin kisa sakamakon sakonnin da yake sanyawa a shafin sa na Facebook. Sakonnin an yi su ne domin batanci ga Annabi Muhammadu (SAW ). 
Rundunar yan sandan juyin juya hali na kasar Iran wato (IRGS ) sune suka cafke Soheil din tun a watan Nuwambar shekarar 2019 tare da matarsa. 

batanci
Batanci ga Annabi Muhammadu SAW ya ja an yankewa Soheil hukuncin kisa 

Yana da shafuka har guda takwas a Facebook 

Arabi din yana da shafuka  wadanda aka bude da mabanbatan sunaye  har guda takwas a Facebook kuma dukkanin su ana batanci ne ga Annabi MUHAMMAD  (SAW). 
Ya kasance yana sanya abubuwa na rashin ladabi da kuma batanci ga Annabi, wanda kuma bai musa hakan ba. 
Wani dan karambani kuma dan bani na iya mai suna Eric Goldstein yace, zalunci ne a hukunta mutum domin ya sanya sako a shafin sa na Facebook, ko dan ya kalli wani abu a yanar gizo. 
Amma mai yiwuwa Eric din bai san cewa sashe na 262 na kundin doka ya bayyana karara cewa, kisa shine hukuncin duk wanda yayi batanci ko kaskantar da darajar Annabi Muhammadu (SAW ). 

Yana yada sakon batancin wasu ne kawai


Lauyan Arabi, Vahid moshkhani ya bayyana cewa kotu ta ki amincewa da kariyar da aka bashi, cewa yada sakon wadansu kawai yake yi a shafin sa, amma ba shi ne yake rubutawa ba. 
Bugu da kari, matar Soheil ta shaidawa hukumar kare hakkin dan Adam cewa, jami’an rundunar juyin juya hali ne suka kama su ita da mijin ta, a gidan su dake Tehran a watan Nuwamba.
Ta kara da cewa, daga baya sai aka saketa, amma aka ci gaba da tsare mijin ta a bangare na musamman dake kurkukun Evin. Bayan wani dan lokaci sai aka kaishi dakin kadaika, tsawon wata biyu ana yi masa tambayar titsiye. Kuma tace an hana shi ganin Lauyan sa. 
A watan Agusta na shekarar 2014 da sha hudu aka yanke masa hukuncin kisa, kuma aka dage akan haka.

Kotu ta yanke hukuncin kisa kan wata musulmar da ta yi batanci ga Annabi (SAW) a ƙasar Pakistan

Wata kotu a ƙasar Pakistan ta yanke hukuncin kisa ga wata mata musulma bayan ta zagi annabi Muhammad (SAW) ta hanyar sanya wasu hotuna masu nuna ɓatanci kan fiyayyen halitta tare da ɗaya daga cikin matan sa.

Kotun mai zama a birnin Rawalpindi na arewacin Pakistan, ta yanke hukuncin kisan ne kan Aneeqa Ateeq ranar Laraba bisa dokokin ƙasar waɗanda su ka tanadi hukuncin kisa ga duk wanda ya yi batanci ga fiyayyen halitta annabi Muhammad (SAW).

“Abubuwan ɓatancin waɗanda ake zargin ta da aikatawa sun hada da yin wata wallafa a WhatsApp da kuma tura saƙonni tare da zane-zanen ga wanda ya shigar da ƙara, inda yace sun yi muni a wajen musulmi” kamar yadda alƙali Adnan Mushtaq ya bayyana cikin hukuncin sa.

Ateeq mai shekaru 26, ta musanta dukkanin tuhumar da aka yi mata, wacce aka shigar a watan Mayun 2020.

A bayanin da ta yiwa kotu, Ateeq ta faɗa cewa wanda ya ke zargin na ta, Hasnat Farooq, da gangan ya janyo suka fara musu kan addini domin ya ja mata sharri bayan ta ƙi amsa tayin zama ƙawar sa. Su biyun sun haɗu ne a wurin buga wani wasa a yanar gizo inda daga bisani su ka cigaba da tattaunawa a WhatsApp.

“Ina zargin cewa da gangan ya kawo wannan maudu’in domin ɗaukar fansa, hakan ya sanya ya shigar da ƙara a kai na bayan ya gama haɗa dukkanin abubuwan da ya san za su zama matsala a gareni”, a cewar ta.

Farooq ya haƙiƙance akan cewa wacce ake zargin, ta yi munanan wallafe-wallafe a WhatsApp ɗin ta, sannan ta ƙi ta goge su bayan ya yi mata magana.

Babbar kotun Lahore ke da ikon tabbatar da hukuncin kisan da aka yankewa Ateeq, wanda kuma tana da damar ɗaukaka ƙara.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

WhatsApp Group

Telegram Channel

Ko kuma ku aiko mana da sako ko sharhi ta adireshin mu na Email kai tsaye: [email protected]

Rubuta Sharhi