27.1 C
Abuja
Monday, January 30, 2023

Zama matar Adam A. Zango ya janyo min koma-baya, Tsohuwar matar sa

LabaraiKannywoodZama matar Adam A. Zango ya janyo min koma-baya, Tsohuwar matar sa

Tsohuwar matar Adam Zango kuma tsohuwar jarumar Kannywood, Amina Uba Hassan wacce aka fi sani da Amina Rani ko Maman Haidar ta ce zama tsohuwar matar jarumin ya janyo mata koma-baya a industiri yayin tattaunawa da Jaridar Aminiya.

Kamar yadda Jaridar ta wallafa bidiyon tattaunawar da ta yi da ita a Facebook ranar Asabar, tace akwai wasu furodusoshi da suke mutunci da Zango kuma suna ganin idan sun sa ta a fim dinsu zai janyo musu matsala da shi.

Amma ta ce ita dai ta san tana son ta yi suna da kanta. Ta kara da shaida yadda ta tsinci kanta a harkar fim din inda ta ce:

“Eh to, bayan na gama makarantar sakandare, Allah ya ji kan Ahmed S. Nuhu, lokacin na san shi, da shi na fara haduwa har muka yi dan wani fim, sai abin ya zo daidai da zan yi aure, sai ba a saki fim din ba sanadiyyar zan auri dan fim. Amma bayan nan ban wani nuna ra’ayin fim ba. Sai daga baya a hankali-a hankali na fara jin ra’ayin ina so in koma harkar fim.”

maman haidar
Zama matar Adam A. Zango ya janyo min koma-baya, Tsohuwar matar sa

Ta bayyana yadda ta fito a wani fim mai suna “Gidan Mai Shayi” na Sani Danja wanda aka yi a garin Kaduna. Bayan nan ta yi ‘Gidan Danja’.

Yayin da aka tambayeta idan zama matar Adam Zango ya taimaka mata, cewa ta yi:

“A zama na tsohuwar matar Adam A. Zango, zan iya cewa daga farko ya dan ja ni baya. Saboda wasu furodusoshi da sauran su, suna ganin suna mutunci da shi suna tare da shi, suna ganin kamar idan suka sa ni a fim zai iya kawo musu matsala da shi da sauran su. Amma ni dai abinda na sani shi ne ina so in nema wa kaina suna, ba wai sai don Adam A. Zango ba, saboda ina da abubuwa da yawa da zan ba industiri, na san akwai abubuwan da zan iya yi.

Ta yi bayani akan yadda mutane suka dinga cece-kuce bayan ta wallafa hoton Adam Zango domin yi masa murnar zagayowar ranar haihuwar sa.

A cewarta akwai mutunci da kuma da a tsakanin su don haka ba ta tunanin akwai damuwa don ta yi hakan. Ta ce shi ne mutum na farko da ta fara tuntuba ta sanar wa kudirinta na komawa fim har ya bata shawarwari.

Ta kara da bayyana kudirin ta na zama babbar darekta mace kuma fitacciya. Daga karshe ta yi wa masoyan ta fatan alheri.

Matar Adam Zango ta farko maman dansa Haidar ta dawo harkar fim

Amina Uba Hassan, tsohuwar matar fitaccen jarumin Kannywood, Adam A Zango, ta dawo harkar fim da karfin ta a matsayin babbar jaruma.

Jaridar Daily Trust ta ruwaito cewa Amina wacce aka fi sani da Maman Haidar ta fara fitowa a cikin fina-finan Kannywood a farkon shekarar 2000, daga nan ne kuma ta auri Adam A Zango a shekarar 2007.

Bayan auren su da Adam A Zango, sun samu karuwar da namiji a shekarar 2008, wanda shine babban dan Adam A Zango, inda a lokacin Zango ya yiwa Ali Nuhu takwara ake kiran shi da Haidar. Daga bisani kua auren nasu ya samu tangarda inda suka rabu.

Shin kuna da wani abin cewa? za ku iya bayyana ra’ayinku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: hello@labarunhausaagmail-com

Ku duba wasu labaran mu

Check out other tags:

Labaran da suka fi tashe