28.2 C
Abuja
Saturday, October 1, 2022

Kotu Ta Raba Auren Miji Da Mata A Abuja

Kotu ta raba auren miji da mata...

Ina matuƙar jin zafin yajin aikin da ASUU ke yi -Shugaba Buhari

Shugaban ƙasa Muhammadu Buhari yace yana jin...

Juyin Mulki: Sojoji Sun Hanɓarar da Shugaban Ƙasa Mai Ci

Sojojin ƙasar Burkina Faso bisa jagorancin kyaptin...

Yanzu haka kimar duk Pi (π) daya ya kai N180m, cewar shugaban ‘yan Pi na Tudun wadan Zaria

LabaraiYanzu haka kimar duk Pi (π) daya ya kai N180m, cewar shugaban ‘yan Pi na Tudun wadan Zaria

Yayin da matasa da dama su ka bazama su na shiga harkar Pi (π), inda su ke kyautata zaton harka ce ta samun dukiya mai tarin yawa a saukake ta wayoyinsu ba tare da yin wani aiki karfi ko kuma zuwa wani wuri ba, Jaridar Labarun Hausa ta samu nasarar tattaunawa da shugaban ‘yan Pi na Tudun Wadan Zaria mai suna Abubakar Aminu Maude, wanda ya feda mana daga biri har wutsiyarsa dangane da harkar.

Da farko ya fara bayyana sunansa tare da yadda ya tsinci kansa a cikin wannan harka ta tara kudi a saukake kuma daga kwance. Ya ce ya dade yana jin labarin Pi, amma bai dauke shi da muhimmanci ba, yanzu kuwa da ya bincika kuma ya samu karin bayani dangane da harkar, ya yarda tabbas gaskiya ce.

A cewarsa, yanzu haka ya kai shekara daya da fara harkar kuma ya tara Pi fiye da dubu daya da dari biyarwadanda yake da ran nan ba da jimawa ba zai mori tagomashinsu. Abubakar ya ce da wayar salularsa ya samu manhajar wacce ba tare da ya sanya ko sisi ba ya fara tara abin duniya.

Ta hanyarsa akwai mutane da dama da su ka fara, kuma yanzu haka su kansu sun fara ganin irin yawan dukiyar da su ka tara a harkar. Yayin da wakilin Labarun Hausa ya tambayeshi ko akwai kasashen da su ka fara amfani da Pi, sai ya kada baki yace:

“Eh tabbas, akwai kasashen da su ka fara amfani da Pi wurin siyayyar abubuwa da dama. Kamar China da Indonesia, duk sun fara harkar. Yanzu haka ana sa ran nan ba da jimawa ba kowa zai yarda da Pi, kuma ya samu karbuwa a duniya.”

Bayan tambayarsa kimar ko wanne Pi daya a kudin Najeriya, ya bayyana cewa:

“Eh to, a yanzu dai babu inda aka tsayar da kimarsa. Sai dai ba Naira ba, ko dala, Pi ya fi su daraja. Don a kiyasin da ake yi yanzu haka, ko wanne Pi daya yana daidai da $314,159, wanda yayi daidai da N180,000,000 da ‘yan kai.”

Kuma a cewarsa, yanzu haka yana da Pi fiye da guda duba daya da dari biyar, wanda da Labarun Hausa ta yi kiyasi, idan ya sauya Pi dinsa a kudin Najeriya, zai tashi da kimanin N270,000,000,000.

Masu garkuwa da mutane sun karbi kimanin Naira miliyan 650 a matsayin kudin fansa a cikin shekara guda – Rahoto

Kimanin Naira miliyan 653.7 ne aka biya a matsayin kudin fansa a Najeriya tsakanin watan Yulin 2021 zuwa Yuni 2022, tsawon shekara guda kenan, domin sako wadanda aka yi garkuwa da su, wani sabon rahoto da wani kamfanin bincike kan harkokin tsaro da siyasa da ke Legas ya nuna.
Rahoton mai suna ‘The Economics of Nigeria’s Kidnap Industry’, wanda hukumar leken asiri ta SBM ta shirya kuma aka buga a watan Agusta, ya yi cikakken bayani kan al’amuran tsaron kasar, da suka hada da abubuwan da suka shafi ‘yan fashi da makami da kuma kudaden da ake kashewa wajen satar mutane domin neman kudin fansa.
Rahoton ya ce akalla an samu rahotannin sace mutane 500 da kuma sace mutane 3,420 a fadin Najeriya, yayin da wasu 564 aka kashe a tashin hankalin da ke da alaka da sace mutane a cikin shekara guda.
Rahoton tsaro ya kuma bayyana cewa an nemi Naira biliyan 6.531 (dala miliyan 9.9) a matsayin kudin fansa a shekarar amma an biya Naira miliyan 653.7 (dala miliyan 1.2) a matsayin kudin fansa domin sako mutanen da aka kama.
Bisa abin da za mu iya tantancewa, tsakanin Yuli 2021 zuwa Yuni 2022, an sace mutane a kalla 3,420 a fadin Najeriya, tare da kashe wasu 564 a tashin hankalin da ke da alaka da yin garkuwa da su. An nemi Naira biliyan 6.531 domin a sako mutanen da aka kama yayin da aka biya kaso daga cikin kudin (N653.7 miliyan) a matsayin kudin fansa.
Kamfanin leken asiri da na tsaro ya kara bayyana cewa, an kai wannan adadi ne bisa rahotannin da kafafen yada labarai suka bayar na adadin kudaden da aka biya ga masu garkuwa da mutane.
Ya kara da cewa tabbas yawan adadin sun fi abin da aka ruwaito, amma sun tsaya kan abin da “za mu iya tantancewa”.

Da aka tuntubi wani mai sharhi kan harkokin tsaro na SBM, Confidence Isaiah, ya bayyana cewa kudaden da ake biya a matsayin kudin fansa ga masu garkuwa da mutane a cikin shekara daya na da matukar yawa ga al’ummar da ke rayuwa a kasa da dala biyu a rana.
A cewarsa, sakamakon karuwar talauci da ake fama da shi a kasar, yawaitar sace-sacen mutane don neman kudin fansa na da matukar muhimmanci ganin yadda ‘yan Najeriya a cikin ‘yan shekarun da suka gabata ke ci gaba da yin sama da fadi da dukiyar kasa domin biyan makudan kudade a matsayin kudin fansa ga masu garkuwa da mutane.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: info@labarunhausa.com

Ku duba wasu labaran mu

Check out other tags:

Labaran da suka fi tashe