23 C
Abuja
Wednesday, September 28, 2022

Yajin aikin ASUU: Yadda dalibin jami’a ya ragargaje kan kishiyar mamarsa da tabarya

LabaraiYajin aikin ASUU: Yadda dalibin jami'a ya ragargaje kan kishiyar mamarsa da tabarya

Rundunar ‘yan sandan Jihar Katsina ta yi ram da matashi mai shekaru 25, Najib Umar Shehu wanda ya lakada wa kishiyar babarsa duka da tabarya har sai da ta rasa ranta, LIB ta ruwaito.

Dalibin da ke aji na biyu ne Jami’ar Tarayya da ke Dutsinma ya dade yana samun rashin jituwa da kishiyar mamarsa, Asiya Mohammed wacce tsohuwar ma’aikaciyar gwamnatin Jihar Katsina ce, har yana yawan ikirarin zai kashe ta.

Kakakin rundunar, SP Gambo Isah a wata takarda da ya saki a ranar Alhamis, 25 ga watan Augusta ya bayyana yadda matashin ya karya kafar mahaifinsa da tabaryar.

“A ranar 18 ga watan Augustan 2022, da misalin karfe 4 na yamma, Najib Shehu, mai shekaru 25 da ke Ambassador Quarters a Katsina ya samu sa-in-sa da kishiyar mamarsa, Asiya Mohammed mai shekaru 60.

“Nan da nan ya nufi kicin inda ya dauki tabarya ya dinga rotsa mata a kanta har sai da ta ji raunuka da dama inda daga bisani likita ya tabbatar da mutuwarta.

“A wurin ne ya dinga buga wa mahaifinsa tabaryar a kafa har sai da ya kakkarye a wurare daban-daban. Yanzu haka an kama wanda ake zargin wanda ya amsa laifukansa.

“An kwace tabaryar daga hannunsa kuma ana ci gaba da bincike,” kamar yadda takardar ‘yan sanda tazo.

Matashi ya wallafa hoton bandakin wani Otal da ya sauka a Ibadan, ya ba kowa mamaki

Wani ma’aboci amfani da kafar sada zumuntar zamani ta Twitter ya wallafa hoto inda ya ce na wani otal ne a Ibadan, babban birnin Jihar Oyo, LIB ta ruwaito.

Kamar yadda hoton ya nuna, tukunya ce ta dalma aka sagala a jikin bandakin wacce za ta dinga tara ruwa.

Lamarin ya ba kowa mamaki inda ake ta cewa wannan wanne irin otal ne mara tsari.

zanotti_blaze ya ce:

“Masu kula da otal dinnan ba za su mutu cikin salama ba, menene kuma wannan?.”

Shin kuna da wani abin cewa? za ku iya bayyana ra’ayinku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: @labarunhausaagmail-com

Ku duba wasu labaran mu

Check out other tags:

Labaran da suka fi tashe