23.8 C
Abuja
Monday, September 26, 2022

A hanyar kai shi kotu, matashi yayi yunkurin lamushe tabar Wiwin da aka kama shi da ita

LabaraiA hanyar kai shi kotu, matashi yayi yunkurin lamushe tabar Wiwin da aka kama shi da ita

Wani matashi da aka kama dumu-dumu da tabar wiwi da sauran kayan maye ya yi yunkurin cinye ragowar kayan mayen da ya boye a jikinsa.

Kamar yadda wakilin Dala FM ya bayyana, bayan jami’an tsaro sun kama matashin, sun kwace kayan maye da dama a hannunsa sai dai basu riga sun caje shi ba.

Yana hannunsu yayin da su ke kokarin kai shi caji ofis inda za su tabbatar sun gama caje komai da ke jikinsa ne ya gano cewa zai iya shiga babbar matsala idan su ka gane akwai sauran kayan maye a tare da shi.

Ganin hakan ne yayi kokarin kwaso su inda ya tura baki don yayi sauri ya hadiye su ba tare da kowa ya gane ba, sai dai kash jami’an tsaron sun ankare.

Nan take su ka tilasta masa zubo da wiwin daga bakinsa inda yanzu haka su ka tattara komai da komai don a san yadda za a yi a hukunta shi.

Ku ci gaba da bibiyarmu don Jin yadda ta kaya tsakaninsa da hukumar da kuma matakin da za a dauka akan shi.

Yadda wasu matasa suka tasa wa barawo taliya, bayan ya lamushe suka hau jibgarsa

An ba wa wani da ake zargin barawon kebur ne kwanon taliya, yayin da ake mishi horo a yankin Agorogbene na karamar hukumar Sagbama dake jihar Bayelsa, LIB ta ruwaito.

An kama wanda ake zargin, Preye Ayase da abokin harkarsa, Ringo Tareladei dumu-dumu suna satar keburan wutar da ke sada Ogobiri da yankin Agorogbene cikin Sagbama a ranar Laraba, 20 ga watan Afirilu.

Sai dai, Oiseibai Seperegha Godsgift M, shugaban kungiyar matasan yankin (CYA) ya yi alawadai da barnatawa, sacewa gami da tarwatsa wayoyin wutan da ke sada yankunan biyu da hatsabiban suka yi.

A wata takarda da babban sakataran watsa labaran shi, Mr Ebis Okpeke ya bayyana wa manema labarai, na nuna yadda shugaban kungiyar ya nuna rashin jindadinsa bisa aukuwar lamarin ba tare da zato ba, inda ya yi kira ga matasan yankin da su bar irin wannan mummunar dabi’ar, saboda hakan zai zama sanadiyyar lalacewar rayuwarsu, ta hanyar kawo cikas ga cigabansu.

Kamar yadda takardar ta zo, shugaban ya ce:

“Da matukar takaici a ce an kama matasa suna lalata mana wutar lantarkinmu, wacce da kadan ta dara babu da sunan neman kudi.

“Abun karin takaicin shi ne musamman yanzu da mu ke fafutukar ganin wutar lantarkinmu ta fi haka, duba da yadda aka nuna halin ko in kula na tsawon shekaru.

“A nawa ra’ayin, ina jin radadi a ce matasan da ya kamata su kula mana da kayayyakinmu su ne ke assasa irin wadan nan munanan dabi’un.”

Ya ci gaba da cewa:

“A saboda haka ne, na ke bukatar wadanda ke da mummunan tunani irin wannan da su dena, sannan su nemi wata sana’ar da zata amfani al’umma ko kuma su shirye fuskantar cikakken fushin shari’a idan aka kamasu.”

Daga karshe, shugaban CYA ya yi amfani da damar wajen kira ga gwamnatin jihar Bayelsa da ta kawo wa yankunan da hakan ya shafa dauki don gyara wutar lantarkin Agorogbene, inda ya ce wutar lantarki na da matukar mahimmanci wajen bunkasa kananan masana’antu a yankin.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: hello@labarunhausaagmail-com

Ku duba wasu labaran mu

Check out other tags:

Labaran da suka fi tashe