27.1 C
Abuja
Saturday, October 1, 2022

Kotu Ta Raba Auren Miji Da Mata A Abuja

Kotu ta raba auren miji da mata...

Ina matuƙar jin zafin yajin aikin da ASUU ke yi -Shugaba Buhari

Shugaban ƙasa Muhammadu Buhari yace yana jin...

Juyin Mulki: Sojoji Sun Hanɓarar da Shugaban Ƙasa Mai Ci

Sojojin ƙasar Burkina Faso bisa jagorancin kyaptin...

Daga ƙarshe an bayyana wanda Atiku Abubakar ya ɗauka a matsayin mataimaki

LabaraiDaga ƙarshe an bayyana wanda Atiku Abubakar ya ɗauka a matsayin mataimaki

Ɗan takarar shugaban ƙasa a ƙarƙashin jam’iyyar PDP, Atiku Abubakar, zai bayyana wa al’umma wanda ya ɗauka a mataimakin sa a yau da rana a birnin tarayya Abuja.

Zaa sanar da zaɓin Atiku Abubakar yau da rana

Na kusa da kamfen ɗin sa sun bayyana cewa zaa gabatar da sanarwar da misalin ƙarfe 12 na ranar yau, sannan daga bisani kwamitin tantancewa da aka kafa zai tantance wanda aka zaɓa ɗin.

Hakan ya biyo bayan kammala tarurruka da dama da su ka gudana a daren ranar Laraba tsakanin ɗan takarar da kuma shugabannin jam’iyyar akan lamarin.

Ifeanyi Okowa shine zaɓin Atiku

Jaridar PREMIUM TIMES ta samu cewa gwamnan jihar Delta, Ifeanyi Okowa, a safiyar ranar Alhamis, shine zaɓin Atiku na ƙarshe.

Indai ba wani sauyi aka samu ba daga ƙarshe, Okowa shine wanda zaa bayyana da safiyar nan. Wata majiya mai ƙarfi ta shaidawa Premium Times.

Amma kamar yadda kuka sani, a siyasa minti ɗaya lokaci ne mai tsawo wanda komai na iya faruwa a cikin sa.

Paul Ibe, kakakin ofishin sadarwa na Atiku, ya ƙi yayi magana akan wanda aka zaɓa a matsayin mataimakin, inda yake cewa a jira har sai an bayyana a hukumance.

Abinda zan iya cewa kawai shine Atiku ya ƙosa ya kammala zaɓar mataimaki domin tunkarar aikin da ke a gaba na korar APC daga kan madafun iko. Tabbas zaɓin sa zai faranta ran ‘yan Najeriya

Jam’iyyar PDP dai ta kafa wani kwamiti domin nemo wasu da ake tunanin tsohon mataimakin shugaban ƙasan zai zaɓa daga ciki.

Duk da rahotanni da su ka fita a ranar Talata cewa kwamitin ya bayar da shawarar a zaɓi gwamnan jihar Ribas, Nyesom Wike, shawarar ɗaukar ta sa ba ta samu ƙarbuwa ba sosai a wajen da yawa daga cikin shugabannin jam’iyyar.

Shugabannin na jin cewa Wike bai cancanci samun muƙami a kusa da kujerar shugaban ƙasa ba.

Da yawa daga cikin su sun yi ƙorafin zafin rai irin na gwamnan, kama karya da kuma saurin takalar faɗa ciki kuwa har da abokan ƙawancen sa.

Wasu na ganin Mr. Okowa yafi ƙwarewa da sanin makamar aiki kuma zai yi abin a zo a gani idan har ‘yan Najeriya su ka zaɓe su.

Hakan ya sanya hankalin Atiku ya tafi wurin ɗaukar Mr. Okowa wanda dama tun asali shine zaɓin sa.

Mr Okowa ya marawa Atiku baya a zaɓen fidda gwani inda Wike ya zo na biyu a zaɓen.

Bayan an bayyana shi ga al’umma a ranar Alhamis, Mr Okowa zai bayyana a gaban kwamitin tantancewa na jam’iyyar.

Jam’iyyun siyasa suna da wa’adin daga nan zuwa ranar Juma’a 17 ga watan Yuni, 2022 domin miƙa sunayen ‘yan takarar su a zaɓen 2023 ga hukumar zaɓe mai zaman kanta ta INEC.

Majiyoyi masu ƙarfi sun bayyana wanda Tinubu zai ɗauka a matsayin mataimaki

A wani labari na daban kuma, majiyoyi masu ƙarfi sun bayyana wanda Tinubu zai ɗauka a matsayin mataimaki a takarar shugabancin ƙasa ƙarƙashin inuwar jam’iyyar APC.

Dukkanin wasu alamu sun gama nuni da cewa tsohon gwamnan jihar Borno, Kashim Shettima, zaa ɗauka a matsayin mataimakin shugaban ƙasa na ɗan takarar jam’iyyar APC, Asiwaju Bola Ahmed Tinubu. Majiyoyi masu ƙarfi waɗanda ke da alaƙa da tarurrukan da ake yi kan lamarin fitar da mataimakin su ka shaidawa jaridar Vanguard a jiya Laraba.

Majiyoyin sun ce jam’iyyar APC za ta tsayar da musulmi da musulmi ne a zaɓen shugaban ƙasa.

Shin kuna da wani abin cewa? za ku iya bayyana ra’ayoyin ku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: info@labarunhausa.com

Ku duba wasu labaran mu

Check out other tags:

Labaran da suka fi tashe