24.4 C
Abuja
Wednesday, September 28, 2022

Jaruma Minal na shan caccaka kan zarginta da kashe auren Maimunatu da Ado Gwanja

LabaraiKannywoodJaruma Minal na shan caccaka kan zarginta da kashe auren Maimunatu da Ado Gwanja

Jarumar Minal Ahmad wacce aka fi sani da Nana Izzar so tana ci gaba da shan caccakar akan zargin kashe auren Ado Gwanja da Maimunatu, Tashar Tsakar Gida ta ruwaito.

Wannan ya biyo bayan hawa sabuwar wakarsa da ta yi mai suna Warrrr a ranar Juma’a tana kwasar rawa, hakan ya tunzura mabiyanta su ka hau caccakarta.

adoo
Jaruma Minal na shan caccaka kan zarginta da kashe auren Maimunatu da Ado Gwanja

Wannan ya samo asali ne daga wani bidiyo da Murja TikTok ta yi wanda ta yi shagube akan wata da ake zargin Minal ce, inda Munat Gwanja ta yi tsokaci tana zarginta da kashe mata aure.

Daga nan ne mutane su ka gamsu da cewa akwai hannun Minal din a batun mutuwar auren Gwanjan.

Masu tsokacin sun hada da Nigerian wacce ta ce:

“Kin je kin yi snatchinga ai doke ki hau ki ce warrr.”

Mamansalim10 kuwa cewa ta yi:

“Kin kashe masu aure ai dole ki yi warr, ke dai ki ji tsoron Allah saboda kin raba mata da miji kema dai mace ce wallahi. Duniya ce ga ki ga ta.”

Adamu Adfar kuwa cewa ya yi:

“Tunda kin kashe mishi aure se ki aure shi ai.”

Queen kuwa cewa ta yi:

“Wa ya ce muku Minal ce raba su? Ku ji tsoron Allah.”

Kallamksaleh ya ce:

“Duk wanda ya yi wa Minal sharri shi da Allah. Kuma kar ki damu isa ki ka yi wallahi, sai ta Allah, makiya.”

Daga shafin Ado Gwanjan na Instagram ma koda ya wallafa bidiyon minal kamar yadda ya ke wallafa bidiyon daukacin ‘ya matan da su ka bi wakar tasa a dandin TikTok nan ma ya samu masu makamancin tsokacin da ake a shafin minal din.

Mixx_jiddah ta ce:

“Kin kashe mata aure kina bibiyarshi ko tom, Allah ya kyauta banza kaska kawai.”

aishamaiflour cewa ta yi:

“Uwar tsugudidi, bakin gulma da munafinci, shugabar majalisar kashe aure.”

Ado Gwanja da tsohuwar matarsa, Maimunatu sun je Makkah yin Ummara, Allah ya daidaitasu

Yayin da mutane su ke ta tururuwar yin aikin Ummara a watan Ramadana, Labarun Hausa ta gano yadda mawaki Ado Gwanja da tsohuwar matarsa, Maimunatu suka tafi Saudiyya.

Sai dai alamu suna nuna cewa tafiyar kowa daban don yayin da suka sanya hotunansu a kafafen sada zumuntar zamani ta Instagram, kowa daban.

Maimunatu ta sanya hotunanta tare da wata yayin da Ado Gwanja ya sanya hotonsa shi kadai.

Tun a cikin jirgin sama Maimunatu ta fara daukar hotuna har lokacin da ta isa kasa mai tsarki.

Wannan kadai ya kara tabbatar da zargin mutuwar aurensu da mutane suka dinga yi kwanakin baya domin da suna da aure da tare za su tafi kuma su dauki hotuna tare.

Muna fatan Ubangiji ya daidaitasu ko kuma ya yi wa kowa zabi mafi alkhairi.

Shin kuna da wani abin cewa? za ku iya bayyana ra’ayinku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

Telegram Channel

Ko kuma ku aiko mana da sako ko sharhi ta adireshin mu na Email kai tsaye: info@labaunhausa.com

Ku duba wasu labaran mu

Check out other tags:

Labaran da suka fi tashe