23 C
Abuja
Wednesday, September 28, 2022

Ubanmu ɗaya da Amaechi, ba zan iya takarar Shugaban ƙasa da shi ba – Inji gwamna Badaru

LabaraiUbanmu ɗaya da Amaechi, ba zan iya takarar Shugaban ƙasa da shi ba - Inji gwamna Badaru

Gwamnan jihar Jigawa, Muhammad Badaru Abubakar, a jiya ya bayyana cewa, ba zai yi takarar Shugabancin kasa ba matukar dai tsohon ministan sufuri Rotimi Amaechi yana yin takara domin neman kujerar. Jaridar The Nation ta rahoto

Ya bayyana hakan ne, yan kwanaki kafin Amaechi din ya dawo da fam din takarar da kuma nuna muradinsa na tsayawa takarar a hedikwatar uwar jamiyyar dake Abuja.

Badaru ya bayyana hakan ne, yayin da Amaechin ya kai ziyarar karamar tattaunawa da wakilan deliget, gabanin ranar 29 ga watan Mayu, wacce za’a gabatar da zaɓen fidda gwani na shugaban kasa a jamiyyar ta APC.

Badaru
Gwamnan jihar Jigawa, Muhammad Badaru Abubakar.

Amaechi ya taka muhimmiyar rawa a APC

Yace:

Mai girma, jagoran mu a APC, Chief Rotimi Amaechi, ina matukar jin dadi da na karbi bakuncin abokina a wannan tafiyar. Na san iya kokarin da muka yi domin tabbatar da kasantuwar wannan jamiyya har izuwa yau.

Na san yadda muka yi ta fadi tashi domin mu kai ga nasara a zabukan shekarar 2019. Ban san abubuwa da yawa akan shirin shekarar 2015 ba, amma bakon namu ya taka mahimmiyar rawa, wajen dora jam’iyyar ta APC akan mulki

Badaru ya zayyano halayen kirki na Amaechi

Babban abin da yasa nake kara girmama dan uwan nawa kuma aboki na (Amaechi ) shine, abin da ka gani a zahiri tattare da shi, to shine gaskiyar yadda yake. Baya yin karya, kuma baya alaye, kaifi daya yake magana, kuma dama haka ake son shugaba wanda zai mulki kasar nan ya kasance.

Mai yiwuwa wani a cikin ku, yace ‘Ah! Badaru kai ma fa dan takarar Shugabancin kasa ne ‘, amma ina tabbatar muku da cewa babu takara tsakani na da Amaechi. Uban mu daya da shi, kuma Uba daya muke girmamawa, saboda haka duk inda daya ya motsa a cikin mu, dayan ma nan zai bi, dukkanin mu ‘yayan Shugaba Muhammadu Buhari ne, wanda yake matukar kauna a garemu da girmamawa, sannan duk abin da zamuyi muna neman sanya albarkar sa, mu kuma muna girmama wannan sanya albarkar tasa

Zaɓen 2023: Shugaba Buhari na da ɗan takarar da yake son ya gaje shi, inji Femi Adesina

Femi Adesina, mai bawa shugaban ƙasa Muhammadu Buhari shawara na musamman kan harkokin yada labarai, ya ce shugaba Buhari na da wanda ya ke son ya gaje shi a 2023, amma ba zai ambaci sunan mutumin ba. Jaridar Daily Trust ta rahoto.

Hadimin shugaban ƙasar ya bayyana hakan ne yayin wata tattaunawa da gidan talabijin na Channels TV’s Politics a jiya Alhamis, 12 ga watan Mayun 2022.

Shin kuna da wani abin cewa? za ku iya bayyana ra’ayoyin ku a wajen sharhi dake kasa.

Ku cigaba da kasancewa da jaridar mu domin cigaba da samun sahihan labarai kai tsaye a wayoyinku, za kuma ku iya biyo mu a shafukanmu na sadarwar kamar haka:

Facebook Page

Twitter Page

WhatsApp Group

Telegram Channel

Ko kuma ku aiko mana da sako ko sharhi ta adireshin mu na Email kai tsaye: info@labarunhausa.com

Ku duba wasu labaran mu

Check out other tags:

Labaran da suka fi tashe